पहलगाम हल्ल्यानंतर भारत आणि पाकिस्तानमध्ये मोठ्या प्रमाणात तणाव वाढला असून चहूबाजूने गोळीबार आणि हवाई हल्ला सुरू आहे. गुरुवारी रात्रीपासूनच पाकिस्तानकडून द्रोण हल्ले सुरू आहे. मात्र भारताने सर्व द्रोण हल्ले हाणून पाडले. आज पुन्हा उरी सेक्टरमध्ये संध्याकाळी शस्त्रसंधीचे उल्लंघन करण्याची घटना समोर आली आहे. उरीमध्ये पाकिस्तानकडून जोरदार गोळीबार केला जात आहे. भारत आणि पाकिस्तानातील वाढत्या तणावा दरम्यान पंतप्रधान नरेंद्र मोदींच्या निवासस्थानी तीनही सैन्य प्रमुखांची बैठक सुरू आहे. आज संध्याकाळी उरी, तंगधार, केरन, मेंढर, नौगाम आणि पुंछ या ठिकाणी गोळीबार सुरू आहे. त्याचवेळी चंदीगड आणि अंबाला येथे हवाई हल्ल्याचा इशारा देण्यात आलेला आहे.