भारत आणि पाकिस्तानमधील तणाव प्रचंड वाढला आहे. या पार्श्वभूमीवर पंतप्रधान नरेंद्र मोदी यांनी उच्चस्तरीय बैठक बोलावली होती. ही बैठक अतिशय महत्वाची मानली जात आहे. दरम्यान या बैठकीत आज पंतप्रधान नरेंद्र मोदी यांनी सशस्त्र दलातील माजी सैनिकांच्या गटाची देखील भेट घेतली आहे. यामध्ये माजी हवाई दल प्रमुख, लष्कर प्रमुख, नौदल प्रमुख आणि इतर काही महत्वाच्या माजी अधिकाऱ्यांचा समावेश होता. या भेटीमध्ये सध्या सुरू असलेल्या परिस्थितीबाबत आणि इतर महत्वाच्या मुद्यांवर पंतप्रधान नरेंद्र मोदी यांनी या माजी अधिकाऱ्यांसोबत चर्चा केली. या बैठकीत तीनही दलाचे प्रमुख उपस्थित होते.