मुंबई : आज संपूर्ण देशात उत्साहाचं वातावरण आहे. पंतप्रधान नरेंद्र मोदी यांच्या हस्ते सलग अकराव्या वेळेस लाल किल्ल्यावर ध्वजारोहण समारंभ पार पडला आहे. ध्वजारोहण समारंभाची डोळ्यांची पारणं फेडणारी दृश्य कॅमेऱ्यात कैद झाली आहेत. भारताच्या ७८ व्या स्वातंत्र्य दिनाच्या निमित्ताने आज लाल किल्ल्यावर भव्य सोहळा संपन्न झालाय. हा सोहळा पंतप्रधान नरेंद्र मोदी यांच्या नेतृत्वात पार पडलाय.

स्वातंत्र्य दिन संपूर्ण देशभरात मोठ्या धूमधडाक्यात साजरा केला जातोय. लाल किल्ल्यावर फील्ड गनमधून २१ तोफांची सलामी ध्वजारोहणावेळी देण्यात आली. पीएम मोदी ध्वज फडकवण्यासाठी तटबंदीच्या दिशेने गेले तेव्हा स्वदेशी १०५ मिमी लाइट फील्ड गन वापरून २१ तोफांची सलामी दिली गेलीय. हा अभिमानाचा आणि उत्सवाचा महत्त्वाचा क्षण होता. पंतप्रधान मोदींच्या हस्ते ध्वजारोहण होताच स्वदेशी हेलिकॉप्टरमधून फुलांच्या पाकळ्यांचा वर्षाव करण्यात आलाय.