राज्यात मे महिन्यात पावसाने जोरदार बॅटिंग केली आहे. आता जोरदार पावसानंतर सध्या पावसाचा जोर ओसरलेला दिसत आहे. मात्र, जून महिन्यात पुन्हा एकदा पावसाचा जोर वाढणार आहे. १२ जूननंतर राज्यात जोरदार पाऊस पडण्याची शक्यता आहे. याबाबत हवामान विभागाने अंदाज वर्तवला आहे. १२ जूननंतर वादळी वाऱ्यासह पाऊस पडेल, मेघगर्जनेसह पाऊस पडेल, अशीही शक्यता हवामान खात्याने वर्तवली आहे. राज्यात मे महिन्यात खूप जास्त पाऊस पडला. अनेक ठिकाणी पूरजन्य परिस्थितीदेखील झाली होती. त्यामुळे अनेकांचे खूप नुकसान झाले होते. त्यानंतर पावसाने काही दिवस विश्रांती घेतली आहे. आता जून महिन्यात पुन्हा मुसळधार पावसाची शक्यता आहे.