मराठा आंदोलनावरून सरकारचे चांगलेच नाकी नऊ आले आहे. ओबीसी प्रवर्गातून आरक्षण मिळावे ही मागणी लाऊन धरत मनोज जरांगे हे मुंबई येथील आझाद मैदानात उपोषणाला बसले आहेत. मनोज जरांगे पाटील यांनी जालन्यातील अंतरवाली सराटी येथून राज्यभरातील मराठा आंदोलकांना मोठ्या संख्येने मुंबईला येण्याचे आवाहन केल होत. या आवाहनानंतर राज्यभरातील आंदोलकांनी मनोज जरांगे पाटील यांना पाठिंबा दर्शवत मुंबईमध्ये मोठी गर्दी केली आहे. दरम्यान सीएसएमटी स्थानकावर एका मुस्लिम बंधावाने या मोर्चाला पाठिंबा दिला आहे. त्याला खांद्यावर घेऊन मराठा बांधव नाचताना पाहायला मिळताय. मी महाराष्ट्राचा मुसलमान मला माझ्या महाराष्ट्राचा अभिमान..! असा फलक घेऊन तो आला आहे. यावेळी त्याने अनेकांचे लक्ष वेधून घेतले आहे.