ठाण्याच्या वागळे इस्टेटमध्ये आग लागली आहे. व्यंकटरमण फूड प्रॉडक्ट कंपनीमध्ये ही आग लागली आहे. आग लागले असतानाच यात 2 गॅस सिलेंडरचा स्पोट झाला आहे. त्यामुळे आगीने रौद्ररूप धारण केलं असून अग्नितांडव बघायला मिळत आहे. आगीवर नियंत्रण मिळवण्यासाठी अग्निशमन दलाकडून शर्थीचे प्रयत्न सुरू आहेत.

ठाण्यात असलेल्या व्यंकटरमण फूड प्रॉडक्ट कंपनीत बुधवारी आग लागली आहे. आगीच कारण अद्याप समजल नसलं तरी ही आग लागलेली असतानाच यात 2 गॅस सिलेंडरचा स्फोट झाल्याने ही आग अजून वाढली. आजूबाजूला औद्योगिक वसाहत असल्याने ही आग अजून पसरू नये म्हणून आग विझवण्यासाठी प्रयत्न सुरू आहेत. परिसरात नागरिकांनी मोठी गर्दी केलेली दिसत आहे. मात्र या आगीत कोणी अडकलं असल्याची अद्याप तरी माहिती आलेली नाही. अग्निशमन दलाच्या दोन गाड्या या ठिकाणी दाखल झाल्या असून आग आटोक्यात आणण्यासाठी पाण्याचा मोठ्याप्रमाणात मारा केला जात आहे.