भोपाळच्या मंडोरे जंगलातून मोठं घबाड हाती लागलं आहे. सोन्याच्या बिस्किटांसह मोठी रोकड आयकर विभागाने जप्त केली आहे. इथल्या जंगलातून तब्बल 52 किलो सोनं आणि 15 कोटींची रोकड जप्त करण्यात आली आहे. या घटनेने भोपाळसह सर्वत्र खळबळ उडाली आहे. विशेष म्हणजे जंगलातील एका घराबाहेर बेवारस आढळून आलेल्या कारमध्ये एवढी मोठी संपत्ती आढळून आल्याने चर्चा सुरू झाल्या आहेत. सध्या या घटनेचा अधिकचा तपास सुरू आहे. या संपत्तीचा मालक कोण याचा सध्या तपास सुरू आहे.

आयकर विभागाकडून भ्रष्टाचाराला आळा घालण्यासाठी छापेमारी सुरू आहे. या कारवाईदरम्यान भोपाळजवळ मेंडोरी जंगलात उभ्या असलेल्या कारवर आयकर विभागाने छापा टाकला. छापेमारीत कारमध्ये आढळलेला 52 किलो सोनं आणि 15 कोटींचा मुद्देमाल पाहून आयकर विभागाचे अधिकारी देखील हैराण झाले.