मुंबईच्या दोन कॉलेजमध्ये हिजाब आणि बुरख्यावर बंदी घालण्यात आली आहे. या निर्णयाविरोधात काही विद्यार्थिनींनी कोर्टात धाव घेतली आहे. चेंबुर ट्रॉम्बे शिक्षण संस्थेच्या एन.जी आचार्य आणि डी.के. मराठे महाविद्यालयात बुरखा, हिजाब, नकाब आणि टोपीवर बंदी घालण्यात आली आहे. ड्रेस कोडचे कारण सांगून कॉलेजन ही बंदी घातली आहे. याविरोधात काही विद्यार्थिनींनी कोर्टात दाद मागितली आहे. महाविद्यालयासोबत मुंबई विद्यापीठ, राज्य सरकार आणि केंद्र सरकारही या याचिकेत प्रतिवादी आहेत. १९ जून रोजी या याचिकेवर सुनावणी होणार आहे.