ही शान कुणाची लालबागच्या राजाची! लालबागचा राजा प्रस्थान करून तब्बल 24 तास उलटले असून अद्यापही लालबागचा राजाचे विसर्जन झालेले नाहीये. सकाळी 8 वाजता लालबागचा राजा गिरगाव चौपाटीवर पोहोचला. मात्र अजूनही लालबागच्या राजाच विसर्जन झालेले नाहीये. विसर्जन न होण्याच कारण म्हणजे, लालबागच्या राजाचा पाट जड झाला आहे. हा पाट स्वयंचलित तराफ्यावर चढत नसल्यामुळे लालबागचे विसर्जन रखडले आहे. यंदा नव्याने तयार करण्यात आलेल्या तराफ्याचा आकार दुप्पट आहे. समुद्राला भरती आल्यामुळे हा तराफा हलत आहे. त्यामुळे लालबागच्या राजाची मूर्ती हायड्रोलिक्सने वर घेण्यात अडचण येत आहे. सकाळी साडेनऊ वाजल्यापासून लालबागचा राजाला तराफ्यावर चढवण्याचे प्रयत्न सुरू आहेत. मात्र अजूनही लालबागचा राजा तराफ्यावर चढलेला नाही.