पुण्यामध्ये भीषण रस्ते अपघातामध्ये तरुणाचा जागीच मृत्यू झाल्याची घटना घडली. पुणे- अहिल्यानगर महामार्गावरील शिक्रापूर येथे हा भीषण अपघात झाला. भरधाव कारने दुचाकीला जोरदार धडक दिली. ही धडक इतकी जोरदार होती की तरुण दुचाकीसह महामार्गाच्या विरुद्ध बाजूच्या लेनवर जाऊन कोसळला. यावेळी समोरून आलेल्या कारने या दुचाकीस्वाराला चिरडलं. अपघातानंतर कारचालक फरार झाला.

या अपघातामध्ये दुचाकीस्वाराचा जागीच मृत्यू झाला. शरद वाघ असं मृत्यू झालेल्या तरुणाचे नाव आहे. या अपघाताचा थरार सीसीटीव्ही कॅमेऱ्यामध्ये कैद झाला. हा व्हिडिओ सध्या सोशल मीडियावर व्हायरल होत आहे. सध्या शिक्रापूर पोलिस या अपघाताचा तपास करत आहेत. शरद वाघ यांच्या मृत्यूमुळे कुटुंबीयांना मोठा धक्का बसला. शिकरापूर परिसरात हळहळ व्यक्त केली जात आहे.