नंदुरबार शहरात काल अवकाळी पावसाने जोरदार हजेरी लावली. या पावसामुळे शहरातील बोगद्यात मोठ्या प्रमाणात पाणी साचले आहे. वाहतुकीसाठी रेल्वे प्रशासनाने हा बोगदा बनवला होता. पण या बोगद्यात पाणी जाण्यासाठी कुठली जागा नसल्याने इथे पाणी साचतं. रेल्वे प्रशासन याची दखल घेऊन पाण्यासाठी जागा करावी अशी मागणी होत आहे. आता बोगद्यात पाणी साचल्याने दुसऱ्या मार्गाने वाहतूक सुरू केली आहे. पण इथेही मोठ्या प्रमाणात वाहतूक कोंडी निर्माण झाली आहे. अवकाळी पावसामुळे नागरिकांना उकाड्यापासून दिलासा मिळाला आहे. पण या पावसामुळे फळबागांचे नुकसान होण्याची शक्यता वर्तवण्यात येत आहे.