पुढील 5 दिवस मुंबई, पुण्यासह राज्यातल्या अनेक ठिकाणी मुसळधार पाऊस पडण्याची शक्यता आहे. कोकण घाटात तुरळक ठिकाणी मध्यम ते मुसळधार पावसाचा अंदाज हवामान विभागानं वर्तवलाय. तर विदर्भ, मराठवाड्यातही पाऊस बरसणार आहे. राज्यातल्या 22 जिल्ह्यांना पावसाचा यलो अलर्ट जारी करण्यात आला आहे.

तसेच पश्चिम विदर्भातल्या 5 जिल्ह्यांना पावसाचा इशारा देण्यात आला असून पुढील 5 दिवस म्हणजे 29 जूनपर्यंत पश्चिम विदर्भातील सर्व पाचही जिल्ह्यांमध्ये पावसाची शक्यात वर्तवण्यात आली आहे. या कालावधीत वाऱ्याचा वेग ताशी 30 ते 40 किलोमीटर प्रति तास राहणार आणि या कालावधीत शेतकऱ्यांना, नागरिकांनी विशेष काळजी घेण्याचं आवाहन प्रशासनाने केलंय.