छत्रपती संभाजीनगर जिल्ह्यातील सिल्लोड तालुक्यातील पळशी परिसरात ढगफुटि सारखा जोरदार पाऊस झाला आहे. त्यामुळे पुन्हा एकदा होत्याचे नव्हते झाले असून, शेतकऱ्यांचे प्रचंड नुकसान झाले आहे. मागील दोन आठवडाभर पडलेल्या पावसातून काही वाचलेली पिके मका, कापूस, बाजरी, सोयाबीन या पिकांचे पूर्णतः नुकसान झाले आहे. काही ठिकाणी सोंगणीला आलेली पिके वाहून गेली आहेत तर अनेक शेतांमध्ये पाणी साचल्याने पिके कुजण्याचा धोका निर्माण झाला आहे. अचानक झालेल्या या पावसामुळे शेतकरी चिंतेत असून प्रशासनाने तात्काळ पंचनामे करून मदत द्यावी, अशी मागणी शेतकऱ्यांकडून करण्यात येत आहे.