नंदुरबार जिल्ह्यात मुसळधार पाऊस बरसत आहे. पावसामुळे अंकलेश्वर-ब्रहानपूर मार्गावर पाणी साचल्याची माहिती मिळत आहे. वरखडी नदीने देखील धोक्याची पातळी ओलांडली आहे. त्यामुळे नदी जवळील गावांना सतर्कतेचा इशारा देण्यात आला आहे. पहाटे पासून पावसाची संततधार सुरू असल्यामुळे सखल भागात देखील पाणी साचलेलं बघायला मिळत आहे. तसेच नंदुरबार शहरासह धडगाव तालुक्यात देखील पावसाने हजेरी लावली आहे. पहाटे पासून होत असलेल्या पावसामुळे धडगाव तालुक्यातील नद्यांना देखील पूर आला आहे. पाऊस असाच सुरु राहिला तर नद्यांवरील पुलावरुन पाणी वाहण्याची शक्यता आहे.