भाजपने घर फोडले असून, नवऱ्याविरुद्ध बायकोला निवडणुकीत उभं करण्याचं पाप भाजपने केल्याचा आरोप माजी आमदार हर्षवर्धन जाधव यांनी केला. तसंच यावेळी त्यांनी रावसाहेब दानवे यांनाही लक्ष्य केलं.

माजी केंद्रीय मंत्री रावसाहेब दानवे यांच्या कन्या संजना जाधव कन्नड विधानसभा मतदारसंघातून निवडणूक लढवत आहेत. आपली पत्नीच निवडणुकीत विरोधात उभी राहिल्यानंतर पहिल्यांदाच माजी आमदार हर्षवर्धन जाधव यांनी माध्यमांसमोर प्रतिक्रिया दिली आहे.

नवऱ्याविरुद्ध बायकोला उभं करण्याचे पाप भाजपने केले आहे. भाजपने घर फोडले. या सगळ्याच्या पाठीमागे रावसाहेब दानवे आहेत, असा घणाघाती आरोपही जाधव यांनी केला. लोक कुटुंबासोबत दिवाळी साजरी करतात, इकडे माझी बायको माझ्याविरोधात उभी आहे. धर्मयुद्ध आहे, ठोकून काढू, असा इशाराही हर्षवर्धन जाधवांनी दिला.