राज्यात महायुती सरकार स्थापन झाल्यानंतर अनेक पालकमंत्रीपदावरून महायुतीमध्ये रस्सीखेच सुरू होती. पूर्ण बहुमताने सरकार प्रस्थापित होऊन देखील दोन महिन्यांनी पालकमंत्रीपदाची यादी जाहीर झाली. यामध्ये रायगड जिल्ह्याच्या पालकमंत्रीपद अजित पवार गटाच्या मंत्री अदिती तटकरे यांना दिल्यात आल्यान शिंदे गटाचे मंत्री भरत गोगावले हे कमालीचे नाराज झाले होते. तसेच नाशिकच्या पालकमंत्रीपदी गिरीश महाजन यांची वर्णी लागल्याने कृषिमंत्री माणिकराव कोकाटे यांनी देखील बोलून दाखवले की पालकमंत्री हा स्थानिक पाहिजे. यानंतर मुख्यमंत्री देवेंद्र फडणवीस यांनी अवघ्या काही तासातच हा या निर्णयाला स्थगिती दिली. ही स्थगिती अद्यापही कायम असल्यामुळे या दोन जिल्ह्यांचे पालकमंत्रीपद कोणाला मिळेल हा प्रश्न कायम आहे.

1 मे रोजी महाराष्ट्र दिनानिमित्त राज्यातील त्या त्या पालकमंत्र्यांनी उपस्थित राहून झेंडावंदन करावे असे परिपत्रक जारी करण्यात आले आहे. नाशिक येथे गिरीश महाजन यांच्या हस्ते झेंडावंदन होणार आहे तर रायगड येथे अदिती तटकरे या उपस्थित राहणार आहे. यामुळे शिंदे गटाचे मंत्री भरत गोगावले हे कमालीचे नाराज झाले आहे.