Manoj Jarange Patil News: मनोज जरांगे यांच्या उद्याच्या उपोषणाला पोलिसांनी परवानगी नाकारली. आचारसंहितेमुळे 4 तारखेला पोलिसांनी परवानगी नाकारल्यानंतर मनोज जरांगे यांनी 8 तारखेला उपोषणाला बसणार असल्याची घोषणा केली होती. 4 दिवसांपूर्वी अंतरवालीच्या गावकऱ्यांनी जिल्हाधिकाऱ्यांना दिलेले निवेदन तसेच आजूबाजूच्या गावातील दिलेल्या निवेदनावरून प्रशासनाने जातीय सलोखा बिघडण्याची शक्यता तसेच ग्रामपंचायतच्या कामांना अडथळा आणि महिला आणि शालेय विद्यार्थ्यांना होणारा त्रास लक्षात घेता ही परवानगी नाकारलीय. शिवाय उपोषणाच्या जागेबाबत ग्रामसभेचे कोणतेही कागदपत्र सादर न केल्यामुळे त्यांना ही परवानगी नाकारण्यात आलीय.