सातारा जिल्ह्यातील कांदाटी खोऱ्यातील गाव हे निसर्ग संपन्न आहे. या भागात पर्यटन वाढवण्यासाठी शासनाकडून प्रयत्न सुरू आहे. त्यामुळेच या भागात मोठ्या प्रमाणात जमीन विक्री सुरू आहे. पण काही लोक शेतकऱ्यांकडून कवडीमोल भावात जमिनी विकत घेऊन चढ्या भावाने सरकारला विकत आहेत. मूळचे नंदूरबारचे रहिवासी आणि गुजराच्या जीएसटी विभागात काम करणारे चंद्रकांत वळवी यांनी ६४० एकर जमीन विकत घेतली आहे. पण ही जमीन त्यांनी विकत घेतली नसून बेकायदेशीरपणे बळकावल्याचा आरोप सामाजिक कार्यकर्ते सुशांत मोरे यांनी केला आहे. तसेच वळवी यांच्यावर कारवाई कारवाई करावी अन्यथा उपोषण करू असा इशाराही मोरे यांनी दिला आहे.