राज्यात अत्याचाराच्या घटना या काही दिवसांपासून अधिकच वाढल्या आहेत. अनेक लहान मुलींवर अत्याचार होत आहेत. त्यामध्येच आता बदलापुरात दोन चिमुरड्यांवर अतिप्रसंग झाला. त्या घटनेने संपूर्ण बदलापूर हादरलं. त्याचबरोबर काही दिवसांपूर्वीच माटुंग्यात देखील तशीच एक घटना समोर आली. अत्याचार मोठ्या प्रमाणात वाढले आहेत. तेच रोखण्यासाठी सरकारने नवा जीआर जारी केलाय. सर्व शाळांमध्ये सीसीटीव्ही कॅमेरे बसविण्याच्या सूचना देण्यात आल्या आहेत. तसेच शाळेत तक्रार पेटी ठेवणं देखील बंधणकारक करण्यात आले आहे.