Shruti Vilas Kadam
परफेक्ट फ्रेंच फ्राइजसाठी मोठे आणि ताजे बटाटे घ्या. बटाटे सोलून त्यांचे लांब आणि समान आकाराचे काप करा.
कापलेले बटाटे थंड पाण्यात २० ते ३० मिनिटे भिजत ठेवा. यामुळे बटाट्यांमधील अतिरिक्त स्टार्च निघून जातो आणि फ्राइज अधिक कुरकुरीत होतात.
पाण्यातून बटाटे काढून स्वच्छ कापडाने किंवा टिश्यूने पूर्णपणे कोरडे करा. बटाट्यांवर पाणी राहिल्यास तळताना तेल उडू शकते.
कढईत तेल गरम करून बटाट्यांचे काप मध्यम आचेवर हलके सोनेरी होईपर्यंत तळा. पहिल्या तळणीनंतर ते बाहेर काढून काही मिनिटे थंड होऊ द्या.
फ्राइज पुन्हा गरम तेलात टाकून कुरकुरीत आणि सोनेरी होईपर्यंत तळा. यामुळे फ्राइज बाहेरून क्रिस्पी आणि आतून मऊ राहतात.
एका भांड्यात पेरी पेरी मसाला, लाल तिखट, लसूण पावडर, थोडे मीठ आणि चाट मसाला एकत्र करा. तिखटपणा आवडीनुसार कमी-जास्त करू शकता.
गरम फ्राइज एका मोठ्या बाऊलमध्ये घेऊन त्यावर तयार केलेला पेरी पेरी मसाला टाका. बाऊल हलके हलवून मसाला सर्व फ्राइजना व्यवस्थित लागेल याची काळजी घ्या आणि लगेच सर्व्ह करा.