Shruti Vilas Kadam
मराठी अभिनेत्री पूजा सावंतने पावसाळ्यातील काही खास फोटो सोशल मीडियावर शेअर केले आहेत. या फोटोंमध्ये ती पावसाच्या सरींमध्ये भिजताना आणि निसर्गाचा आनंद घेताना दिसत आहे.
या फोटोशूटसाठी पूजाने काळ्या रंगाचा स्लीव्हलेस टॉप आणि प्रिंटेड बॉटम असा स्टायलिश लूक केला आहे. तिचा हा कूल अंदाज चाहत्यांचे लक्ष वेधून घेत आहे.
एका फोटोमध्ये पूजा हातात कॉफीचा मग घेऊन डोळे मिटून पावसाचा आनंद घेताना दिसत आहे. तिचा हा साधा आणि प्रसन्न अंदाज चाहत्यांना आवडला आहे.
पावसाळ्यातील आल्हाददायक वातावरणात पूजा अगदी बिनधास्त अंदाजात दिसत आहे. तिच्या फोटोंमधून पावसाळ्याचा निवांत मूड पाहायला मिळतो.
पूजाचे हे पावसाळी फोटो समोर आल्यानंतर सोशल मीडियावर तिच्या लूकची आणि नैसर्गिक सौंदर्याची चर्चा सुरू झाली आहे. चाहत्यांनी फोटोंवर लाइक्स आणि कमेंट्सचा वर्षाव केला.
या फोटोंसोबत पूजाने ‘Mandatory favourite season post’ अशी मजेशीर कॅप्शन लिहिली आहे. तिच्या या कॅप्शनमधून पावसाळा हा तिचा आवडता ऋतू असल्याचे दिसते.
पूजा सावंत सोशल मीडियावर सक्रिय असून ती वेळोवेळी तिचे खास फोटो चाहत्यांसोबत शेअर करत असते. तिच्या या नव्या पावसाळी लूकचेही चाहत्यांकडून कौतुक होत आहे.