भाजपचे आमदार गोपीचंद पडळकर आणि राष्ट्रवादी शरद पवार गटाचे आमदार जयंत पाटील यांच्यातील वाद हा सर्वश्रुत आहे. काही दिवसांपूर्वीच पडळकर यांनी जयंत पाटील यांच्या वडिलांचा उल्लेख करत वादग्रस्त विधान केले होते. त्यानंतर आता पुन्हा एकदा जयंत पाटील यांच्यावर टीका करताना पडळकर यांची जीभ घसरली आहे.

हिंदू बहुजन दसरा मेळावा सांगलीतील आरेवाडी येथील बिरोबा बन येथे आयोजित करण्यात आला होता. यावेळी पडळकर म्हणाले, माझी लढाई प्रस्थापिताविरोधात आहे. माझ्यावर जयंत पाटील मंगळसूत्र चोरीचा आरोप करतात. माझा सवाल आहे की, जयंत पाटील तुझ्या कुठल्या नंबरच्या बायकोचे मंगळसूत्र मी चोरले होते ते सांगा. मी जे विषय मांडले त्याच्यावर चर्चा करा असा जोरदार हल्लाबोल गोपीचंद पडळकर यांनी जयंत पाटील यांच्यावर केला.