शिर्डी विमानतळावरुन आता प्रवाशांना रात्रीदेखील प्रवास करता येणार आहे. आजपासून शिर्डी विमानतळावर नाईट लँडिंग सुविधा सुरू झालीये. त्यामुळे प्रवाशांचा प्रवास अधिक सुखकर होणार आहे.

काल रात्री 60 प्रवाशांना घेऊन हैदराबाद येथून पहिलेच विमान साडेनऊ वाजेच्या दरम्यान शिर्डी विमानतळावर दाखल झालं. यापुढेही आता शिर्डी विमामतळावरुन रात्री लँडिंग होणार आहे. शिर्डी विमानतळावर रात्री पहिले विमान लँड झाल्यावर भाजपचे माजी खासदार सुजय विखे यांनी प्रवाशांचे स्वागत केले आहे. आता प्रवाशांना रात्रीच शिर्डीत दाखल होता येणार आहे. त्यामुळे साईबाबांचे दर्शन घेण्यासाठी येणाऱ्या प्रवाशांना फायदा होणार आहे. यामुळे बाहेरच्या राज्यातून येणाऱ्या प्रवाशांना रात्रीच शिर्डीत दाखल होता येणार आहे. त्यांना सकाळी लवकरच साईबाबांचे दर्शन घेता येणार आहे.