सोनं-चांदीच्या दरात आज पु्न्हा मोठी घसरण झाली. सुवर्णनगरी म्हणून ओळखल्या जाणाऱ्या जळगावच्या सराफा बाजारामध्ये सोनं-चांदी खरेदी करण्यासाठी ग्राहकांनी गर्दी केली आहे. जळगावच्या सराफा बाजारामध्ये सोनं-चांदीच्या दरात सलग दुसऱ्या दिवशी घसरण झाली.

सोन्याच्या दरात ७०० रुपयांची तर चांदीच्या दरात ३००० रुपयांची घसरण झाली. जळगावमध्ये आज सोन्याचे दर १ लाख ६१ हजार ३०० रुपयांवर गेले आहेत. सोनं खरेदी करताना जीएसटीसह १ लाख ६६ हजार १३९ रुपये खर्च करावे लागणार आहे. तर चांदीचे दरामध्ये देखील मोठी घसरण झाली. १ किलो चांदी २ लाख ७२ हजार रुपयांवर आली आहे. तर चांदी खरेदी करताना जीएसटीसह २ लाख ८० हजार १६० रुपये खर्च करावे लागणार आहेत.