भोंदूबाबा अशोक खरात याचे भक्तजाळे आता राज्याबाहेरही पसरल्याची चर्चा आहे. अंकशास्त्राच्या आधारे भविष्य सांगण्याचा दावा करणाऱ्या खरातकडे इतर राज्यांतील बडे नेतेही येत असल्याचं सांगितलं जातंय. हरियाणा, राजस्थानमधील काही मंत्र्यांचाही त्यात समावेश असल्याची माहिती समोर येत आहे. त्यामुळे अशोक खरातचे लागेबांधे उच्चपदस्थांपर्यंत पोहोचल्याची चर्चा रंगली आहे.

मिळालेल्या माहितीनुसार, हरियाणा आणि राजस्थानमधील काही वजनदार मंत्री आणि नेते खरातच्या संपर्कात आहेत. 'अंकशास्त्र' आणि 'भविष्यवाणाी' यावर विश्वास ठेवून हे नेते आपल्या राजकीय भवितव्यासाठी खरातचा सल्ला घेत असल्याचे समजते. केवळ सल्लाच नव्हे, तर या नेत्यांच्या माध्यमातून खरातचे लागेबांधे दिल्लीच्या राजकारणापर्यंत पोहोचल्याची शक्यता वर्तवण्यात येत आहे.