घाटकोपरमध्ये बिलबोर्ड कोसळून मोठा अपघात झाला. या अपघातात आतापर्यंत १४ जणांचा मृत्यू झाला आहे. घटनास्थळाला ठाकरे गटाचे नेते संजय दिना पाटील आणि भाजप नेते किरीट सोमय्या यांनी भेट दिली. तेव्हा सोमय्या हे सुपरमॅन आहेत, बिलबोर्ड उचलून लोकांना वाचवतील असा टोमणा पाटील यांनी मारला. तसेच सोमय्या फोटोग्राफर बोलवून इथे शोबाजी करत आहेत असा आरोपही पाटील यांनी केला. ईशान्य मुंबईचे भाजपचे उमेदवार मिहीर कोटेचा यांनीही घटनास्थळी भेट दिली, तेव्हाही संजय पाटील आणि कोटेचा यांच्या शाब्दिक वाद झाले.