'मुंबईचा राजा' म्हणून ओळख असलेला गणेशगल्लीचा राजा विसर्जनासाठी मार्गस्थ झाला आहे. गणेशगल्लीच्या राजाच्या विसर्जन मिरवणुकीला सुरूवात झाली आहे. सर्वात आधी मुंबईच्या राजाच्या मिरवणुकीला सुरूवात होते. त्यानंतर इतर गणपती हळूहळू विसर्जनासाठी मार्गस्थ होतात. गणेशगल्लीच्या राजाला निरोप देण्यासाठी गणेशभक्तांनी मोठी गर्दी केली आहे. ढोल-ताशाच्या गजरात आणि गुलालाची उधळ करत बाप्पाला निरोप दिला जात आहे. गणेशगल्लीचा राजा यंदा उज्जैनच्या महाकाल नगरीमध्ये विराजमान झाला होता. या बाप्पाच्या दर्शनासाठी भाविकांनी मोठी गर्दी केली होती. आता बाप्पा विसर्जनासाठी निघाले असून त्यांना निरोप देण्यासाठी देखील गणेशभक्तांनी मोठी गर्दी केली आहे. 'गणपती बाप्पा मोरया, पुढच्या वर्षी लवकर या' असा जयघोष करत बाप्पाला निरोप दिला जात आहे.