माजी आमदार बच्चू कडू यांनी आपला दिव्यांग कल्याण मंत्रालय अभियान अध्यक्षपदाचा राजीनामा दिला आहे. दिव्यांगांना अजूनही अनेक गोष्टी मिळत नसल्याच्या नाराजीतून त्यांनी हा राजीनामा देण्याचं पाऊल उचललं आहे. आपली सुरक्षा देखील काढून घेण्याची मागणी त्यांनी केली आहे.

दिव्यांग व्यक्तींना अद्यापही अनेक गोष्टी मिळत नसल्याने याबद्दल खंत, नाराजी व्यक्त करत माजी आमदार बच्चू कडू यांनी आज आपला दिव्यांगकल्याण मंत्रालय अभियान अध्यक्षपदाचा राजीनामा शिंदेंना पाठवला आहे. तसंच सुरक्षा काढून घेण्याचीही मागणी त्यांनी केली आहे. पदावर राहून आंदोलन करता येणार नाही आणि दिव्यांगांशी बेईमानी शक्य नाही, असं कडू यांनी राजीनाम्यात लिहिलं आहे. हा राजीनामा त्यांनी उपमुख्यमंत्री एकनाथ शिंदे यांच्याकडे पाठवला आहे.