पुण्यातील मध्यभागात गोळीबार झाल्याची घटना समोर आली आहे. वनराज आंदेकर यांच्यावर गोळ्या झाडून त्यांची हत्या करण्यात आली आहे. वनराज आंदेकर हे अजित पवार यांच्या राष्ट्रवादीचे माजी नगरसेवक होते. या घटनेत 5 राउंड फायर झाल्याची प्राथमिक माहिती समोर येत असून या गोळीबारात वनराज आंदेकरांचा मृत्यू झाला आहे. पुणे पोलिसांनी ३ जणांना ताब्यात घेतलं असून कौटुंबिक वाद आणि पैसे यावरून हा खून केल्याचा पोलिसांकडून संशय व्यक्त केला जात आहे. पोलिसांकडून ताब्यात घेण्यात आलेल्या ३ जणांकडून कसून चौकशी केली जात आहे. वनराज यांच्यावर पूर्ववैमनस्यातून निकटवर्तीयाकडून गोळीबार झाल्याची शक्यता पोलिसांनी व्यक्त केली आहे.