श्रावण मास सुरु होण्याआधीची गटारी नावाने ओळखली जाणारी आषाढी अमावस्या साजरी करण्यासाठी आज शेवटचा दिवस आहे. त्यामुळे मुंबईतील लालबाग येथील मटण आणि चिकन दुकानाच्या बाहेर मोठ्या प्रमाणावर गर्दी पाहायला मिळत आहे. आज राज्यभरात मोठ्या प्रमाणावर गटारी साजरी करताना पाहायला मिळत आहे. पुण्यात देखील खवय्यांनी चिकन आणि मटण दुकानाच्या बाहेर मोठ्या प्रमाणावर गर्दी केलेली पाहायला मिळाली. त्याच पाठोपाठ आता मुंबईत देखील गटारी जोरदार साजरी होताना पाहायला मिळत आहे. त्यातच आज रविवारचा दिवस आल्यामुळे लोकांची मांसाहार दुकानाबाहेर मोठ्या प्रमाणावर गर्दी होताना पाहायला मिळत आहे.