राजकीय वतृळातून मोठी बातमी समोर येत आहे. अजित पवार गटाचे काही आमदार शरद पवार यांच्या संपर्कात असल्याची माहिती सूत्रांकडून मिळत आहे. अजितदादा गटाच्या पाच ते सहा आमदारांनी शरद पवार गटाचे प्रदेशाध्यक्ष जयंत पाटील यांची भेट घेतल्याची माहिती सूत्रांकडून मिळत आहे. विधानभवनातल्या एका खोलीमध्ये ही भेट झाली आहे. अजित पवार यांच्या गटातील आमदारांमध्ये नाराजी दिसून येत होती. लोकसभेतील पराभवानंतर आता विधान सभेच्या निवडणुका तोंडावर आल्या आहेत. यादरम्यान अजित पवार गटामध्ये खळबळ निर्माण झाली आहे. पश्चिम महाराष्ट्रातल्या चार ते पाच आमदारांनी जयंत पाटलांची भेट घेतल्याची माहिती सूत्रांकडून मिळत आहे.