स्वराज्य संघटनेच्या कार्यकर्त्यांनी जितेंद्र आव्हाड यांच्या जीपवर हल्ला केला आणि कारच्या काचा फोडल्या. संभाजीराजे छत्रपती यांच्याबद्दल आक्षेपार्ह वक्तव्य केल्यानंतर स्वराज्य संघटनेच्या कार्यकर्त्यांनी हा हल्ला केला. याच प्रकरणी आता जितेंद्र आव्हाड यांनी मुंबई येथील डोगरी पोलीस स्टेशनला भेट देत एफआयआर दाखल केला आहे. आव्हाड यांच्या तक्रारीनंतर पोलिसांनी अंकुश कदम आणि धनंजय जाधव यांच्यावर गुन्हा दाखल केला आहे. दरम्यान, विशालगडावर जे काही झालं त्याला कारणीभूत संभाजीराजे छत्रपती आहेत.११ वर्षापूर्वीच्या दर्ग्यावरील घुमट तोडला जातो.दरोडेखोर घुसावे त्याप्रमाणे ते प्रवेश करताता आणि तोडफोड करतात. ही तोडफोड शंभर टक्के संभाजीराजेंमुळे झाल्याचा आरोप आव्हाड यांनी केला होता. यानंतर स्वराज्य संघटने कार्यकर्ते आक्रमक झाले होते आणि त्यांनी आव्हाड यांच्या कारवर हल्ला केला.