म्हाडाच्या मोडकळीस आलेल्या इमारतींचा पुनर्विकास करताना, त्या इमारतीतील रहिवाशांची गैरसोय होऊ नये यासाठी.. म्हाडा रहिवाशांना तात्पुरत्या संक्रमण शिबिरात राहण्याची सोय करते. मात्र पुनर्रचित इमारत तयार झाल्यानंतर घराचा ताबा घेऊन, संक्रमण शिबिरातील मिळालेले गाळे रहिवाशी परस्पर विकत असल्याच्या अनेक तक्रारी म्हाडाकडे प्राप्त झाल्या आहेत. अशा घटनांमुळे म्हाडाचे करोडो रुपयांचे नुकसान होत असल्याने, म्हाडा दक्षता विभागाने आता अशा गाळे विक्री करणाऱ्यांविरोधात कलम 305 366 नुसार कारवाई करण्याचे निर्देश दिले आहेत. यामुळे बेकायदेशीरपणे गाळे हस्तांतरण करणाऱ्यांचे आता धाबे दणाणले आहेत. मुंबईत 1000 पेक्षा अधिक गाळेधारकांनी असे गाळे परस्पर विकले आहेत, यामुळे म्हाडाचे करोडो रुपयांचे नुकसान झाले आहे.