पालघर मधील सफाळे डेपोतील धक्कादायक प्रकार समोर आला आहे. पालघर मध्ये एसटी महामंडळ प्रशासनाचे दुर्लक्ष होत असल्याचं दिसत आहे, एसटी बस मधून मोफत प्रवास करताना विद्यार्थ्यांना धोकादायक प्रवास करावा लागत आहे. बसमध्ये कोंबून विद्यार्थी प्रवास करतात. सफाळे ,कोरे , टेभीखोडावे, नवघर-घाटीम गावातील विद्यार्थ्यांना कोंबून प्रवास करावा लागतो. एसटी बस मध्ये 44 प्रवाशी प्रवास करण्याची क्षमता असते, तरीसुद्धा 100 ते 120 विद्यार्थी प्रवास करतात. जर अश्यावेळी बसचा अपघात झाला तर त्याला जबाबदार कोण ? असा प्रश्न उपस्थित होत आहे. शाळेच्या वेळांमध्ये बस वाढवण्याची पालकांकडून मागणी केली होती.