अहमदनगर: दूध उत्पादक शेतकऱ्यांच आंदोलन सुरु आहे. दूध दरासाठी दूध उत्पादक शेतकरी आक्रमक झाले असून आज अहमदनगर जिल्ह्यातील कोल्हार घोटी राजमार्गावर रास्ता रोको आंदोलन पुकारण्यात आल आहे. शिवआर्मी दुधउत्पादक शेतकरी संघटनेकडून हे आंदोलन पुकारण्यात आलं आहे. संगमनेर तालुक्यातील चिखली या गावात आंदोलन करण्यात येत आहे. उद्या दुग्ध विकास मंत्री राधाकृष्ण विखे पाटील यांनी शेतकऱ्यांच्या विविध प्रश्नांबाबत बैठक बोलावली आहे. मात्र आज त्यांच्याच अहमदनगर जिल्ह्यात दूध दरासाठी शेतकरी आक्रमक झाले आहेत. दुधाला किमान 40 रुपये भाव मिळावा यासह अनुदानाच्या मागणीसाठी शेतकरी रस्त्यावर उतरणार आहेत.