खाकी वर्दी घालून पोलिस असल्याची बतावणी करत तरुणांना बोगस पोलिसांकडून मारहाण करण्यात आली होती. या बोगस पोलीसाला फरासखाना पोलिसांनकडून अटक करण्यात आली आहे. सुशांत पारटे असे या तरुणाचा नाव असून तो मूळचा महाडचा राहणारा आहे. मिळालेल्या माहितीनुसार, सुशांत हा भारत विरुद्ध दक्षिण आफ्रिका सामना संपल्यानंतर पुण्यातील अलका टॉकीज चौकात पोलिसांची वर्दी घालून आला होता. पोलीस असल्याचे सांगत त्याने जल्लोष करणारे अनेक क्रिकेटच्या चाहत्यांना धमकवलं आणि मारहाण सुद्धा केली. मात्र यातील काही तरुणांना तो पोलीस नसल्याचे समजताच त्यांनी कंट्रोल रूमला फोन केला, आणि तात्काळ त्या ठिकाणी पोलिसांनी येऊन त्याला विचारणा केली असता तो तोतया पोलीस असल्याचे निष्पन्न झाले. या घटनेचा व्हिडिओ सोशल मीडियावर व्हायरल झाला आहे. पुणे पोलिसांनी अशा बनावट पोलिसांपासून सावधान राहण्याचा इशारा दिला आहे.