22 एप्रिल रोजी जम्मू-काश्मीरमधील पहलगाम येथे पाकिस्तानच्या भाडोत्री दहशतवाद्यांनी भारतीय पर्यटकांवर भ्याड हल्ला केला. या हल्ल्यात 26 निष्पाप पर्यटकांचा दुर्दैवी मृत्यू झाला. या घटनेनंतर NIA (राष्ट्रीय तपास संस्था) च्या तपासात उघड झालं की, हा संपूर्ण कट पाकिस्तानमध्येच रचण्यात आला होता.

या तपासानंतर पाकिस्तानवर जगभरातून रोष व्यक्त होऊ लागला आहे. दहशतवाद्यांना पाठीशी घालणारा देश म्हणून पाकिस्तानची ओळख अधिकच ठळक झाली आहे.

या पार्श्वभूमीवर पाकिस्तानला आणखी एक मोठा आंतरराष्ट्रीय झटका बसला आहे. युरोपियन एअरलाईन्सनी पाकिस्तानी हवाई क्षेत्राचा वापर टाळण्याचा निर्णय घेतला आहे. आता भारतात येताना किंवा भारतातून युरोपला जाताना या एअरलाईन्स पाकिस्तानी आकाशातून उड्डाण करणार नाहीत.

लुफ्थांसा, ब्रिटिश एअरवेज, SWISS, ITA आणि LOT Polish Airlines या प्रमुख युरोपियन एअरलाईन्सने ही ठोस भूमिका घेतली आहे. Flightradar24 च्या माहितीनुसार, 30 एप्रिलपासून या बदलाची स्पष्ट नोंद दिसून आली आहे. तर 2 मेपासून काही एअरलाईन्सनी पूर्णतः पाकिस्तानी हवाई क्षेत्र टाळण्यास सुरुवात केली आहे.