उपमुख्यमंत्री एकनाथ शिंदे यांनी मनसे प्रमुख राज ठाकरे यांच्या निवासस्थानी जाऊन गणरायाचे दर्शन घेतले. राज्यातील शेतकऱ्यांना सुखी ठेव, चांगला पाऊस पडू देत, पीक चांगली येऊ देत अशी प्रार्थना केल्याचे एकनाथ शिंदे यांनी सांगितले. तसेच दोघांमध्ये बंद दाराआड चर्चा देखील झाल्याचे विचारल्यावर शिंदे म्हणाले, दरवर्षी मी त्यांच्या घरी येतो, यंदा काही लोक त्यांच्या घरी आले. राज ठाकरेंच्या घरी नव्या लोकांना बघून आनंद झाला. अदखलपात्र लोक दखल घ्यायला लागले, कुठलंही कुटुंब एकत्र येत असेल तर चांगली गोष्ट आहे, असा टोलाही त्यांनी लगावला.

तसेच राज ठाकरे यांच्यासोबत झालेल्या चर्चेवर विचारले असता 'राज की बात राज ही रहने दो' असे म्हणत एकनाथ शिंदे यांनी राज ठाकरे यांच्यासोबत झालेल्या चर्चेच रहस्य कायम ठेवलं. आमच्यात जी चर्चा झाली, ती खाजगीत राहू द्या, सगळ्याच गोष्टी माध्यमांसमोर सांगायच्या नसतात असे शिंदे म्हणाले.