Medical Education Scam Exposed: देशातील मेडिकल शिक्षण क्षेत्राला हादरवणारा घोटाळा उघडकीस आला आहे. देशातील वैद्यकीय महाविद्यालयांना तपासणीची आगाऊ माहिती देऊन कोट्यवधींची लाचखोरी करणाऱ्या रॅकेटवर ईडीने कारवाई केली आहे. केंद्रीय आरोग्य मंत्रालयासह नॅशनल मेडिकल कमिशनकडून होणाऱ्या ह्या गैरप्रकारमुळे मोठी खळबळ उडाली आहे. ईडीने महाराष्ट्रासह 10 राज्यांमध्ये 15 ठिकाणी छापे मारले आहेत. यात विविध राज्यांतील 7 वैद्यकीय महाविद्यालयांचा समावेश असल्याची माहिती समोर आली आहे.

ईडीने केलेल्या या कारवाईनंतर देशातील मेडिकल शिक्षण क्षेत्रात एकच खळबळ उडाली आहे. या प्रकरणी ईडीला महत्त्वाचे पुरावे हाती लागल्याची माहिती खात्रीलायक सूत्रांनी दिली आहे. तपासणीची आगाऊ माहिती देण्यासाठी कोट्यवधींची लाच घेतल्याचा गंभीर आरोप. एनएमसी आणि आरोग्य मंत्रालयाशी संबंधित मोठे गैरप्रकार समोर आले.