ठाणे जिल्ह्यातील पडघा परिसरातील बोरिवली गावात मध्यरात्री ईडी (ED) आणि एटीएस (ATS)कडून संयुक्त कारवाई करण्यात आली. दहशतवादी कृत्यांना आर्थिक मदत (Terror Funding) झाल्याच्या संशयावरून ही धाड टाकण्यात आली असून, परिसरात मोठी खळबळ उडाली आहे. साकिब नाचन याच्याशी संबंधित जुन्या प्रकरणांचा संदर्भ या कारवाईला जोडला जात असल्याची माहिती मिळत आहे. तपास यंत्रणांनी गावातील अनेक घरांची रात्रीपासून झडती घेऊन महत्त्वाचे कागदोपत्री पुरावे, उपकरणे आणि व्यवहारांची माहिती तपासण्यास सुरुवात केली आहे.

या कारवाईनंतर स्थानिकांमध्ये भीतीचे वातावरण असून तपास यंत्रणांकडून पुढील चौकशी वेगाने सुरू असल्याची माहिती समोर येत आहे.