बुलढाणा जिल्ह्यात मुसळधार पाऊस सुरु आहे. खामगांव तालुक्यातील घाटपुरी येथील बोर्डि नदिला काल पासून सुरु असलेल्या मुसळधार पावसामुळे पूर आला. अचानक आलेल्या पुरामुळे नागरिकांच्या घरात पाणी शिरले आहे. यामधे नागरिकांच्या घरातील साहित्य अन्नधान्य, बैल, बकऱ्या आणि इतर उपयोगी वस्तू पाण्यामध्ये वाहून गेल्या आहेत त्यामुळे नागरिकांचे लाखोंचं नुकसान झालं आहे. त्यामुळे आता नागरिकांचे संसार उघड्यावर पडले आहेत. शासनाने तात्काळ पंचनामे करून नुकसान भरपाई द्यावी अशी मागणी येथील नागरिकांनी केली आहे.