राष्ट्रवादी शरद पवार गटाचे जेष्ठ नेते एकनाथ खडसे यांचे जावई डॉक्टर प्रांजल खेवलकर यांना काही दिवसांपूर्वी पुणे पोलिसांनी रेव्ह पार्टीच्या आरोपाखाली पकडले होते. खेवलकर यांच्या मोबाइलमध्ये काही आक्षेपार्ह चॅट आढळले असे पोलिसांनी सांगितल्याने एकच खळबळ उडाली होती. यानंतर त्यांच्या खेवलकर यांच्या पत्नी रोहिणी खडसे यांनी हे सगळे आरोप फेटाळून लावले होते.

मात्र आज या संदर्भात राज्य महिला आयोगाच्या अध्यक्षा तथा राष्ट्रवादी अजित पवार गटाच्या नेत्या रूपाली चाकणकर यांनी पत्रकार परिषद घेत गंभीर आरोप केले आहे. प्रांजल खेवलकर हे मुलींना नशा देऊन त्यांच्यावर लैंगिक अत्याचार करायचे आणि त्या संदर्भात सर्व व्हिडिओ हे त्यांच्या मोबाइलमध्ये आहे. या व्हिडिओचा वापर मुलींना ब्लॅकमेल करण्यासाठी वापरण्यात आले. तसेच घरात साफसफाई करणाऱ्या मोलकरीणची अत्यंत वाईट अवस्थेतील फोटो देखील त्यांच्या मोबाइलमध्ये आहे. सिनेमात काम देण्याचे प्रलोभन दाखवून मुलींना बोलवत असे गंभीर आरोप रूपाली चाकणकर यांनी केले आहे.