राष्ट्राध्यक्ष बनताच डोनाल्ड ट्रम्प यांनी बेकायदा स्थलांतरावर कारवाईला सुरुवात केली आहे. त्यामुळे आता तब्बल १८ हजार भारतीय अमेरिकेतून पुन्हा भारतात पाठवले जाणार आहेत. अमेरिकेत एकूण १० कोटी १० लाख लोकं बेकायदेशीरपणे राहतात असा अहवाल आहे. तर ७.२५ लाख भारतीय बेकायदा राहतात असा अंदाज आहे. आता याच बेकायदा लोकांना त्यांच्या मायदेशी पाठवण्याची तयारी सुरू झाली असल्याचं समजत आहे. त्यामुळे आता अशा भारतीयांवर घरवापसीची टांगती तलवार आहे.

डोनाल्ड ट्रम्प यांनी नुकतीच दुसऱ्यांदा राष्ट्राध्यक्ष पदाची शपथ घेतली आहे. त्यानंतर आता ट्रम्प अॅक्शन मोडमध्ये आल्याचं बघायला मिळत आहे. एकीकडे जन्मजात दाखल्याच्या आधारावर अमेरिकेचं रहिवासी प्रमाणपत्र देण्याचा अधिकार रद्द करण्यात आला आहे. तर आता बेकायदा स्थलांतरीतांना देखील मायदेशी पाठवण्याचा निर्णय ट्रम्प यांनी घेतला आहे. त्यामुळे १८ हजार भारतीयांची अमेरिकेतून घरवापसी होणार असल्याचं बघायला मिळत आहे. अमेरिका आणि भारताचे मैत्रीपूर्ण संबंध आहेत. त्यातच भारतीयांना धक्का देणारे निर्णय डोनाल्ड ट्रम्प यांनी घेतले आहे. त्यामुळे याचा परिणाम काय होईल हे बघणं महत्वाचं ठरणार आहे.