अमेरिका आणि इराणमधील तणाव आता एका धोकादायक वळणावर पोहोचला आहे की, अमेरिकेचे राष्ट्राध्यक्ष डोनाल्ड ट्रम्प यांच्या हत्येसाठी कट रचला जात आहे. इराण सरकार ५० दशलक्ष युरोंचे म्हणजे सुमारे ५५८ कोटींहून अधिक रुपये बक्षीस जाहीर करण्याचा प्रस्ताव आपल्या संसदेत आणण्याच्या तयारीत असल्याचे वृत्त इराणी प्रसारमाध्यमांनी दिले आहे. या दाव्यामुळे जागतिक राजकारणात मोठी खळबळ उडाली आहे. इस्रायलचे पंतप्रधान बेंजामिन नेतन्याहू आणि अमेरिकन सेंट्रल कमांडचे कमांडर यांनाही या मोहिमेअंतर्गत लक्ष्य केलं जातंय. इराणचे सर्वोच्च नेते अयातुल्ला अली खामेनी यांच्या हत्येच्या कटात या नेत्यांची भूमिका असल्याचा आरोप करत ही कारवाई केली जाणार असल्याचे इब्राहिम अजीजी यांनी सांगितले आहे.