बीड जिल्ह्यात बोगस मतदानावरून व्हिडिओसह आरोपांच्या फैरी झडत असतांना आता महाविकास आघाडीचे उमेदवार बजरंग सोनवणे यांनी निवडणूक आयोगाला पत्र लिहिलंय..बीड जिल्हा निवडणूक निर्णय अधिकाऱ्यांसह जिल्ह्यतील इतर अधिकाऱ्यांना मतमोजणी प्रक्रियेत भाग घेऊ देऊ नये, असा उल्लेख करत त्यांनी राज्याच्या निवडणूक विभागाला पत्र लिहिले आहे. या पत्रावरुन बीड राजकारणात एकच खळबळ उडाली आहे. निवडणुकीनंतरही बीडच्या राजकारणाचा वाद शमता शमत नाही. अशा चर्चा पत्रावरुन रंगल्या आहेत