वादग्रस्त IAS अधिरकारी पूजा खेडकर यांची वाशिम पोलीसांनी ३ तास चौकशी केली. उपविभागीय पोलीस अधिकारी निलीमा निकम यांच्या नेतृत्वात ही चौकशी करण्यात आली आहे. बंद खोलीत तब्बल तीन तास ही चौकशी सुरु होती. या चौकशीसंदर्भात पोलीसांनी माध्यमांशी बोलण्यास नकार दिला आहे. यावर आता पूजा खेडकर यांनी प्रतिक्रिया दिली आहे. पोलीस हे चौकशीसाठी आले नव्हते तर माझं काम होतं म्हणून पोलीसांना बोलवल्याचं खेडकर म्हणाल्या. दरम्यान या प्रकरणाची दखल पोलीस महासंचालक रश्मी शुक्ला यांनी घेतली आहे. या प्रकरणासंदर्भातील अहवाल रश्मी शुक्ला यांनी मागवुन घेतला आहे.