आजच्या डिजिटल युगाच्या तंत्रज्ञानात काय होईल सांगता येत नाही. कारण ,याचे उत्तम उदाहरण छत्रपती संभाजीनगरच्या वैजापूर जवळ असलेल्या फुलेवाडी या गावात पाहायला मिळाले आहे. वैजापूर ग्रामीण 1 येथील प्रगती गायकवाड या तरुणीचा साखरपुडा लंडनमध्ये नोकरी करणाऱ्या आशुतोष पुंड तरुणाशी व्हिडिओ कॉलद्वारे पार पडला.

मुलगा सध्या लंडनमध्ये प्रतिष्ठित कंपनीत कार्यरत असून, वेळ आणि अंतराच्या मर्यादा लक्षात घेऊन दोन्ही परिवारांनी आधुनिक पद्धतीने साखरपुडा करण्याचा निर्णय घेतला. वैजापूर ग येथे मुलीच्या घरी पारंपरिक विधी करण्यात आले, तर लंडनहून तरुणाने थेट ऑनलाइन उपस्थिती लावत होकार दिला. समारंभात नातेवाईकांनी टाळ्यांच्या गजरात शुभेच्छांचा वर्षाव केला. ‘व्हिडिओ कॉल’च्या माध्यमातून झालेला हा साखरपुडा परिसरात चर्चेचा विषय ठरला आहे.