केंद्र सरकारने देशांतर्गत इंधनाची उपलब्धता सुनिश्चित करण्यासाठी आणि वाढत्या महागाईवर नियंत्रण मिळवण्यासाठी एक मोठा आणि महत्त्वाचा निर्णय घेतला आहे. केंद्राने हाय-स्पीड डिझेलवर निर्यात शुल्क २४ रुपये प्रति लिटर आणि इन्फ्रा सेस ३६ रुपये प्रति लिटरने वाढवला आहे. सरकारने या आधीही २६ मार्च रोजी डिझेलवर २१.५० प्रति लिटर आणि एटीएफवर २९.५ प्रति लिटर निर्यात शुल्क लावले होते. त्यानंतर आता दुसऱ्यांदा ही वाढ करण्यात आली आहे. डिझेलवरील निर्यात शुल्क २१.५ रुपये प्रति लिटरवरून ५५.५ रुपये प्रति लिटर करण्यात आले आहे. निर्यात शुल्कामध्ये वाढ करण्यात आल्यामुळे आता डिझेलच्या दरामध्ये देखील वाढ होण्याची शक्यता व्यक्त केली जात आहे. त्यामुळे सर्वसामान्यांच्या खिशाला कात्री लागू शकते.