विशाल सावणे, साम टीव्ही

पुण्यातच नव्हे, तर मुंबई, ठाणे आणि इतर शहरांमध्ये मटणाच्या दुकानांसमोर लांबच लांब रांगा लागल्या होत्या.काल पुरणपोळीचा आस्वाद घेतल्यानंतर आज ‘ठोकून नळी’ अशीच अनेकांची भावना होती. अडीच-तीन किलो घरी नेणार, अशी प्रतिक्रिया एका महिलेने दिली, तर एका व्यक्तीने ठामपणे सांगितले, मी दोन टाईम खाणार

धुळवडीचा कार्यक्रम करेक्टच झाला पाहिजे, अशीच सर्वसामान्यांची भावना दिसून आली. "तिकटाचं ताट भरलेलं पाहिजे," असा उत्साह होता. अनेकांनी आपल्या कुटुंबासोबत पारंपरिक पद्धतीने मटणाचा आनंद घेतला, तर काहींनी मित्रमंडळींसोबत जोरदार पार्टीचे नियोजन केले.

दरम्यान, पुण्यासह विविध शहरांतील मटण मार्केट पूर्णपणे हाऊसफुल्ल झाले होते. “भावड्या, सण दणक्यात झाला पाहिजे... कुणी खातंय पोळी, तर कुणी नळी ज्याची त्याची चॉईस!” अशा शब्दांत अनेकांनी आपला आनंद व्यक्त केला.