धुळ्याला अवकाळी पावसाने झोडपून काढले. आज संध्याकाळी झालेल्या मुसळधार पावसाचा फटका लालपरीतून प्रवास करणाऱ्या प्रवाशांना बसला. लालपरीला अक्षरश: गळती लागली. पावसाचे पाणी एसटी बसमध्ये पडते होते त्यामुळे प्रवाशांची चांगलीच गैरसोय झाली. यामुळे लांबपल्ल्याच्या एसटी बसेसची दयनीय अवस्था पुन्हा एकदा उघडकीस आली. याचा व्हिडीओ समोर आला असून तो व्हायरल होत आहे.

शहादा- नाशिक ही बस धुळ्यामार्गे जात असताना दोंडाईचा परिसरामध्ये मोठ्या प्रमाणात झालेल्या पावसामुळे संपूर्ण बस गळत होती. यामुळे प्रवाशांना बसमध्ये बसूनही पावसाच्या पाण्यापासून आपला बचाव करण्याची वेळ आली. संपूर्ण बस गळत असल्यामुळे प्रवाशांना बसण्यासाठी जागाच शिल्लक राहिली नव्हती. त्यामुळे ओल्या सिट्सवरच बसू त्यांना प्रवास करावा लागला. एसटीच्या छतातू गळत असलेल्या पावसाच्या धारामुळे ओलचिंब होत प्रवास करण्याची वेळ प्रवाशांवर आली. ग्रामीण भागातील बसेसची अवस्था सुधारणार तरी कधी? असा प्रश्न प्रवाशांनी विचारला आहे.